Skrúfur

Frí heimsending á höfuðborgarsvæðinu á skrúfum.

Laugur selur skrúfur af ýmsum stærðum og gerðum. Við seljum tréskrúfur, pallaskrúfur, stilliskrúfur, steinskrúfur, sjálfborandi skrúfur, kambskrúfur og margt fleira.

Tréskrúfur eru notaðar í timburtengingum og timbur/stál tengingum. Við seljum tréskrúfur upp í 10 mm þvermál. Á síðustu árum hefur notkun stærri tréskrúfa aukist með tilkomu öflugri verkfæra og stærri timburþversniða s.s. CLT einingahúsa.

Pallaskrúfur eru notaðar í sólpalla, klæðingar og útimannvirki ýmis konar úr timbri. Stilliskrúfur eru notaðar við ísetningu glugga og hurða og afréttingu grinda. Steinskrúfur eru notaðar í stað múrbolta t.d. við vinnu við steypumót ýmis konar. Sjálfborandi skrúfurnar okkar eru notaðar í vindvarnarplötur og sementsplötur s.s. Viroc plötur. Kambskrúfur eru notaðar í stáltengingar, þakásankeri, bjálkaskó og vinkla þar sem erfitt er að negla kambsaum eða af einhverjum ástæðum betra að nota skrúfur.

Hafðu samband ef þú finnur ekki þær skrúfur sem þú leitar að og við reynum að aðstoða þig eftir fremsta megni.